von pentium » 12. April 2020, 17:17
‘s is Usterzeit
Wacht auf ihr Leit, 's is Usterzeit!
Der Starl ruft's ro ven Baam,
vergaßt de Sorgn, loßt Zank on Streit,
es werd wieder e ganz nei's Laabn.
Der Winter mit der lange Nacht,
voll Eis on Költ on Schnee,
daar hot sich aus'n Staab gemacht
drubn ve der höchsten Höh.
De Lerich is schu aufgestiegn,
de Zipp singt aah ihr Lied,
de Finken schlogn, de Zessing fliegn,
an Bachel 's Blümel blüht.
On aus 'n tiefen waldgrond rauf
klingt ons e Rauschen zu:
O Menschenherz wach aah mit auf,
o Mensch bi aah mit früh!
On guck tief in de Herzen nei,
host du wos Schlacht's gesöt,
reiß raus, schmeiß wag, 's is Usterzeit,
wach auf, sist is ze spöt!
Anton Günther